Ցելիակիա հիվանդություն

Ցելիակիա հիվանդություն

Ցելիակիան կարող է երկարատև մարսողական խնդիրներ առաջացնել և թույլ չտալ, որ ձեր մարմինը ստանա անհրաժեշտ բոլոր սննդանյութերը, ինչն էլ կարող է ազդել տարբեր օրգանների վրա:

Ցելիակիա հիվանդությունը տարբերվում է գլուտենային զգայունությունից: Եթե ձեր մոտ առկա է գլուտենային զգայունություն, ապա կարող եք ունենալ այնպիսի ախտանիշներ, ինչպիսիք են որովայնի ցավը և հոգնածությունը: Ի տարբերություն ցելիակիա հիվանդության, գլուտենային զգայունությունը չի վնասում բարակ աղուն:

Ցելիակիա հիվանդությունը ավելի տարածված է այն մարդկանց մոտ, ովքեր ունեն որոշակի քրոմոսոմային խանգարումներ, ինչպիսիք են՝ Դաունի համախտանիշը, Թերների համախտանիշը և Ուիլյամսի համախտանիշը:

Ցելիակիա հիվանդությամբ երեխաների մոտ՝ սննդանյութեր, հանքային տարրեր, ճարպեր, վիտամիններ (A, D, E, K) ներծծելու անկարողությունը այն ժամանակ, երբ դրանք կարևոր են նրանց նորմալ աճի և զարգացման համար, կարող է հանգեցնել.

• ատամների էմալ վնասմանը,
• սեռահասունության հապաղմանը,
• նորածիննների կամ երեխաների նորմայից պակաս քաշի առկայությանը,
• տրամադրության փոփոխությունների կամ նյարդայնությանը,
• դանդաղ աճի և կարճահասակությանը,
• քաշի կորուստի

Ցելիակիայով հիվանդ որոշ մարդիկ ունեն ախտանիշներ, որոնք ախտահարում են այլ օրգաններ: Այս ախտանիշները կարող են ներառել.

• հոգնածություն կամ հոգնածության զգացում,
• հոդերի կամ ոսկորների ցավ,
• հոգեկան առողջության խնդիրներ, ինչպիսիք են դեպրեսիան կամ անհանգստությունը,
• նյարդային համակարգի ախտանիշներ, ինչպիսիք են գլխացավերը, հավասարակշռության խնդիրներ, նոպաներ կամ ծայրամասային նյարդաբանություն,
• կանանց և աղջիկների վերարտադրողական խնդիրներ, որոնք կարող են ներառել հղիության բարդություններ, անպտղության, դաշտանային անկանոնություն, կրկնվող վիժումները, տղամարդկանց անպտղության,
• ախտանիշեր, որոնք կապված են բերանի խոռոչի հետ, ինչպիսիք են քաղցկեղային խոցերը, չոր բերան, կամ կարմիր, հարթ, փայլուն լեզու։

Ցելիակիայով հիվանդ մարդկանց մեծամասնությունն ունենում է մեկ կամ մի քանի ախտանիշ՝ նախքան ախտորոշումը և բուժումն սկսելը: Ախտանիշները սովորաբար բարելավվում են և կարող են անհետանալ այն բանից հետո, երբ մարդը սկսում է պահպանել առանց գլուտենի սննդակարգ: Սակայն ախտանիշները կարող են վերադառնալ, եթե մարդն սկսում է փոքր քանակությամբ գլուտեն օգտագործել:

Կախված նրանից, թե քանի տարեկան եք, երբ բժիշկն ախտորոշում է ձեր մոտ ցելիակիա, այնպիսի ախտանիշներ, ինչպիսիք են կարճ հասակը և ատամների թերությունները, կարող են չվերականգնվել:

Սննդաբանի օգնությունն անհրաժեշտ է, որպեսզի հիվանդն իմանա՝ որ մթերքներն են պարունակում գլուտեն, որոնք են անվնաս, և չնայած սահմանափակումներին, ինչպես սնվել բալանսավորված։ Շատ երկրներում, առանց գլուտենի մթերքները հասանելի են բժշկի դեղատոմսով։ Առանց գլուտենի սննդամթերքը սովորաբար ավելի թանկ է և ավելի դժվար է գտնել քան գլուտեն պարունակողները։