ԱԶԳԱՅԻՆ ԳԻՏԱԲԺՇԿԱԿԱՆ ԳՐԱԴԱՐԱՆ

Գրադարանի բարեկամներ

Գրադարանի բարեկամներ

2004թ-ից Հանրապետական գիտաբժշկական գրադարանը «ԳՐԱԴԱՐԱՆԻ ԲԱՐԵԿԱՄ» հատուկ կոչում է շնորհում այն անձանց, ովքեր աջակցում են գրադարանի գործունեության զարգացմանը: Մինչ օրս այդ պատվին են արժանացել:

«ԳՐԱԴԱՐԱՆԻ ԲԱՐԵԿԱՄ 2015»

Սավելի Բաշչինսկի, Բժշկական գիտությունների թեկնածու, «Մեդիասֆերա» հրատարակչության նախագահ, Ռուսաստանի դաշնություն

«ԳՐԱԴԱՐԱՆԻ ԲԱՐԵԿԱՄ 2014»

Գևորգ Յաղջյան, Բժշկական գիտությունների թեկնածու, Պլաստիկ և վերականգնողական վիրաբուժության ամբիոնի դոցենտ, Երևանի պետական բժշկական համալսարան, Հայաստանի Հանրապետություն

«ԳՐԱԴԱՐԱՆԻ ԲԱՐԵԿԱՄ 2010»

Վասիլի Վլասով, Բժշկական գիտությունների դոկտոր, ապացուցողական բժշկության ընկերության նախագահ, Ռուսաստանի Դաշնություն

«ԳՐԱԴԱՐԱՆԻ ԲԱՐԵԿԱՄ 2010»

Անատոլի Զիլբեր, Բժշկական գիտությունների դոկտոր, պրոֆեսոր, Անեսթեզիոլոգիայի և ռեանիմատոլոգիայի ամբիոնի վարիչ, Պետրոզավոդսկի համալսարան, Կարելիա Ռուսաստանի Դաշնություն

«ԳՐԱԴԱՐԱՆԻ ԲԱՐԵԿԱՄ 2007»

Վիլեն Հակոբյան, Բժշկական գիտությունների դոկտոր, պրոֆեսոր, ԳԱԱ բնական գիտությունների բաժանմունքի ակադեմիկոս-քարտուղար, ԳԱԱ նախագահության անդամ, Հայաստանի Հանրապետություն

«ԳՐԱԴԱՐԱՆԻ ԲԱՐԵԿԱՄ 2004»

Էդգար Հովսեփյան, Կոլումբիայի համալսարանի բժշկական քոլեջի նյարդավիրաբուժության բաժնի պրոֆեսոր, ՀՀ ԳԱԱ և Մխիթար Հերացու անվան բժշկական համալսարանի պատվավոր դոկտոր, Ամերիկայի Միացյալ Նահանգներ

«ԳՐԱԴԱՐԱՆԻ ԲԱՐԵԿԱՄ 2004»

Ռուբեն Հովհաննիսյան, բժշկական գիտությունների դոկտոր, Հայաստանում միկրոշրջանառության առաջին լաբորատորիայի հիմնադիր-ղեկավար, Հայաստանի Հանրապետություն


ՀԳԲԳ-ն իր խորին երախտագիտությունն է հայտնում նաև այն կազմակերպություններին, որոնց օժանդակությամբ իրականացվել են մի շարք ծրագրեր

Հայ օգնության ֆոնդ (ՀՕՖ)

Հայ օգնության ֆոնդը մշտապես եղել է գրադարանի կողքին և աջակցել է իրականացնելու մի շարք ծրագրեր, այդ թվում՝ «Բժշկական սեղմագրերի հայկական հանդեսի» հրատարակումը, մարզային բժիշկների վերապատրաստումը: 2014թ.-ին ՀՕՖ-ի օգնությամբ գրադարանում կատարվել է վերանորոգման աշխատանքներ

«Բաց հասարակության հիմնադրամներ-Հայաստան»

«Բաց հասարակության հիմնադրամներ-Հայաստան»-ի աջակցությամբ իրականացվել է «Էլեկտրոնային բժշկական գրադարան» ծրագիրը, որի շրջանակներում ստեղծվել է ՀԳԲԳ-ի նոր կայքը:

Հայկական բարեգործական ընդհանուր միություն (ՀԲԸՄ)

Հայկական բարեգործական ընդհանուր միության, հանձինս բարերար Գառնիկ Յակուբեանի, ֆինանսական աջակցությամբ վերանորոգվել է գրադարանի ուսուցողական կենտրոնը:

Հայաստան Համահայկական Հիմնադրամ

Հայաստան Համահայկական Հիմնադրամի նախաձեռնությամբ ՀԳԲԳ-ում իրականացվում է հեռաուսուցում Արցախում և մարզերում աշխատող բժիշկների համար: Բացի այդ հիմնադրամի օգնությամբ բարելավվել են նաև գրադարանի պայմանները:

ՎիվաՍել — ՄՏՍ

ՎիվաՍել — ՄՏՍ-ի աջակցությամբ 2015թ.-ին բարեկարգվել է գրադարանի այգին և ձևավորվել է բացօթյա ընթերցարան, որը թղթային և էլեկտրոնային բժշկական գրականությունից օգտվելու համար դարձել է հաճելի միջավայր:

ՎԻՎԱ բարեգործական հասարակական կազմակերպություն

ՎԻՎԱ բարեգործական հասարակական կազմակերպության օգնությամբ 2018թ. ՀԳԲԳ-ի գրքային հավաքածուն համալրվեց լավագույն բժշկական գրականությամբ:


ՄԻԱՑԵՔ ԲԱՐԵԿԱՄՆԵՐԻՆ ԵՎ ԱՋԱԿՑԵՔ ԳՐԱԴԱՐԱՆԻՆ

Անհատ անձինք, բժշկական ընկերակցությունները, մասնագիտական միությունները, կազմակերպությունները և հիմնադրամները ցանկության դեպքում կարող են իրենց ներդրումն ունենալ և օգնել ՀԳԲԳ-ին` կյանքի կոչելու ծրագրեր և նախագծեր, որոնք կնպաստեն գրադարանի հիմնական առաքելության իրականացմանը:
Միանալով գրադարանի Բարեկամներին` Դուք կաջակցեք երկրի գլխավոր բժշկական գրադարանին իրագործելու բժշկական կրթությանը, բժշկագիտությանն ու առողջությանն ուղղված նախագծեր, ինչպիսիք են`
• Եզակի և միօրինակ գրքերի ձեռքբերում
• Ժամանակակից տեխնոլոգիաների կիրառում գրադարանային գործընթացում
• Գրադարանի կարևոր նյութերի թվայնացում
• Ուսուցողական ծրագրերի իրականացում՝ ներառյալ դասախոսությունների, գիտաժողովների, դասընթացների կազմակերպում: